ضع إعلانك هنا

تعرف ايه عن لينكس (Linux) ..

استعرض الموضوع السابق استعرض الموضوع التالي اذهب الى الأسفل

تعرف ايه عن لينكس (Linux) ..

مُساهمة من طرف comando في الأربعاء سبتمبر 14, 2011 7:41 pm


بسم الله الرحمن الرحيم
السلام عليكم ورحمة الله وبركاته


اختارت للموضوع قسم تبادل الخبرات علشان اعرف تعرفوا ايه عن التوزيعات دي نبدأ بقى
يبتسم حد جرب قبل كدة يسطب حاجة غير ويندوز ؟؟ فى الغالب لأ
تعرف حاجة عن توزيعات لينكس المختلفة ؟؟ فى الغالب لأ
مش شرط انا كمان اكون عارف كل توزيعات لينكس بس انا جربت اعرف وعايز انقلكم شوية عن التجربة
انا شخصياً جربت ubuntu والصراحة مكنتش اعرف غيرها ولا اعرف يعني ايه توزيعات ولا الكلام ده كله
عموماً انا لحد دلوقتي اعرف 3 توزيعات للينكس
Gnome : ودي اللى انا جربتها وهي كلاسيك شوية بس النسخ الجديدة بقت حاجة روعة يغيظه عموماً انا مش عارف الفرق تقنياً اوي بس دي فى الشكل عبارة عن شريط فوق وشريط تحت او فى الجنب وعموماً انت تقدر تتحكم فيها براحتك .

KDE : ودي اللى عاجباني مجربتهاش على الواقع بس ان شاء الله انزلها واجربها وتعجبني اكتر ودي فى الشكل نسخ زي الماك او اس ونسخ زي ويندوز يعني نسخ زي ويندوز بشريط واحد تحت ونسخ بشريط فوق ودوك تحت وبرضو انت بتعدل الشكل بمزاجك والفرق زي ما الناس بتقول ان دي اقرب لسفن وجنوم للاكس بي دي فيها حاجات جامدة كتير زي الويدجتس اللى موجودة فى سفن وبتتحكم فيها على سطح المكتب وفى حاجة اسمها بلازما بتختار بين نظامين عموماً انا لسة مجربتهاش ومش عارف عنها حاجة غير اللى شفته على الموقع الرسمي لها وعلى النت واليوتيوب !! .

XFCE : ودي معرفش عنها غير انها على حد تعبير المواقع متعدلة للاجهزة اللى من الـ "DarkAges" العصور المظلمة الناس اللى عندها اجهزة ميتة تلت اربع مرات يعني .

وعموماً كل التوزيعات مبنية على نواة لينكس وانا كان ممكن احط صور لكن الصور كتير على النت وكمان الفيديوهات واللى يدور يلاقى والمواقع بتنسخ اسم التوزيعة وتكتب جنبها .org

فى شركات بقى بتعمل التوزيعات دي على نسخها هي وبعيد عن ريدهات والنسخ اللى بفلوس فى نسخ مجانية زي سينتوس واوركل و suse و مينت ومندريفا و ..............

عموماً اللى عجبني Ubuntu لأنها عاملة حاجات من عندها غير انها بتطور توزيعات وخلاص نيجي للمفيد :

Ubuntu : النسخة الام شغالة بتوزيعة جنوم طبعاً هي الاساس اللى موجود فيها موجود فى النسخ التانية الجديد فى النسخ الجديدة الابليكيشن سينتر مندهش متقولش ويندوز بقى ولا الكلام ده وهي نسخة معقولة مش للاجهزة الضعيفة ولا الجرافيك فيها عالى .

Kubuntu : بتوزيعة KDE يعني قريبة جداً من ويندوز جرافيكها كتير وفيها شغل جامد هتحتاج امكانيات بس مش اعلى من اللى فاتت كتير بس جميلة وهتستمتع بيها .

Xubuntu : توزيعة XFCE جميلة جداً للناس اللى كانوا بيستخدمو ماك او اس وعايزين يغيرو للينكس

كدة دول التلت توزيعات نيجي بقى للنسخ المتخصصة الاتنين بتوزيعة جنوم


Edubuntu : من اسمها نسخة معمولة لتعليم الاطفال شكلها والبرامج اللى فيها وكل حاجة فيها معمولة للاطفال جميلة جداً جداً وميمنعش ان اي حد ممكن يستعملها بعد ما الطفل يخلص لأنها برضو فيها كل الخصائص اللى فى النسخ التانيه اللى متغير فيها انها بتنزل ببرامج تعليمية والعاب والجو ده

Ubuntu Studio : فى كدة نسخة معمولة مخصوص للمبدعين شعارها "Let Your Creativity Fly..." بالعربي خلى ابداعك يطير واخر جملة فى وصف النسخة " Your only limitation is your imagination. " حدودك هي ابداعك مفيش حاجة تانية يعني هتوقفك النسخة نزلالك بكل حاجة ممكن تعمل بيها اى حاجة برامج تعديل فيديو وتعديل صوت وتعديل صور يعني مش هتحتاج حاجة تاني غير انك تسطبها .

انا مش عامل موضوع شامل انا عامل موضوع الفت بيه نظر الناس ان في حاجة تانية غير الويندوز والروتين واحب الفت الانتباه ان نسخ ويندوز اللى على اجهزتنا معظمها لو مكنش كلها مقرصنة " مسروقة " واحنا قدمنا حل ببلاش ممكن يغنيناً عن الويندوز وعن النسخ المقرصنة " المسروقة " .

ملحوظة : لو فى برنامج بتحبه فى ويندوز مش هتضطر تسيبه لأن فى طرق كتير تخليك تشغل برامج ويندوز على لينكس ابسطها برنامج اسمه Wine اكتر من كدة مفيش يعني مش عارف الناس هتعمل ايه تاني ويبقى الاختيار ليك ..!


عدل سابقا من قبل comando في الأربعاء سبتمبر 14, 2011 7:52 pm عدل 3 مرات

comando
عضو محترف
عضو محترف

البلد :
السن : 23
تاريخ التسجيل : 31/07/2008
المشاركات : 689
الاهتمامات : التصميم و البرمجة و اللغات .
الوظيفة : المندوب المقيم امام الكمبيوتر
الأوسمة :


معاينة صفحة البيانات الشخصي للعضو http://nf-son.forumotion.com

الرجوع الى أعلى الصفحة اذهب الى الأسفل

رد: تعرف ايه عن لينكس (Linux) ..

مُساهمة من طرف comando في الأربعاء سبتمبر 14, 2011 7:47 pm

الموضوع مش عامل مقارنة احترافية معلش بس انا حبيت اكتبه على السريع علشان الناس اللى مش عارفة تعرف واللى عارف برضو ممكن يستفيد يضحك

comando
عضو محترف
عضو محترف

البلد :
السن : 23
تاريخ التسجيل : 31/07/2008
المشاركات : 689
الاهتمامات : التصميم و البرمجة و اللغات .
الوظيفة : المندوب المقيم امام الكمبيوتر
الأوسمة :


معاينة صفحة البيانات الشخصي للعضو http://nf-son.forumotion.com

الرجوع الى أعلى الصفحة اذهب الى الأسفل

رد: تعرف ايه عن لينكس (Linux) ..

مُساهمة من طرف keko_ferkeko في الخميس سبتمبر 15, 2011 8:54 am

ما شاء الله الموضوع رائع ، و أنا فعلاً كنت محتاج مدخل سهل لأنظمة التشغيل الأخرى،
أنا جربت ubuntu قبل كدا و لكن من باب الفضول، طبعاً محتاجة شوية تعود خصوصاً و إننا مولودين فاهمين الويندوز...

أعتقد إني ممكن أجرب نظام آخر لو ظهرت طفرة في الأنظمة ، لكن حالياً لن أغير نظام فيستا (نسخة أصلية و شرعية يضحك ) اللي هو معايا من أربع سنين تقريباً...

يا ريت لو تكمل لنا الموضوع بالحديث عن أشهر 3 أنظمة ، مميزاتهم و عيوبهم، و صور و فيديوهات عنهم...

و جزاك الله كل خير

________________________________________
.::الَّلهُمَّـ اجعَلْـ عَمَلَنَا خَالِصًا لِوَجهَكَـ الكَرِيمِـ::.


keko_ferkeko
عضو محترف
عضو محترف

البلد :
السن : 24
تاريخ التسجيل : 16/08/2007
المشاركات : 3254
الاهتمامات : القراءة-التصميم-بناء المواقع-النت
الوظيفة : طالب جامعي
الأوسمة :


معاينة صفحة البيانات الشخصي للعضو http://nf-son.forumotion.com

الرجوع الى أعلى الصفحة اذهب الى الأسفل

رد: تعرف ايه عن لينكس (Linux) ..

مُساهمة من طرف comando في الخميس سبتمبر 15, 2011 1:03 pm


شكراً على المرور
لكن ايه هما اشهر تلت نسخ من وجهة نظرك اللى انا اعرف انهم ويندوز و ماك و اوبنتو
واشهر تلت نسخ مجانيين اوبنتو فيدورا وبعدهم فى حاجات كتير زي بعض ومختلفين فى الاستخدام واشهر تلت نسخ ويندوز اكس بى و فيستا وسفن واشهر تلت نسخ من اوبنتو هما اوبنتو وكوبنتو(او كيوبنتو) و اكسوبنتو (او اكسيوبنتو) ممكن تحدد اكتر وان شاء الله احاول اعمل اللى انت عايزه على فد ما اقدر

comando
عضو محترف
عضو محترف

البلد :
السن : 23
تاريخ التسجيل : 31/07/2008
المشاركات : 689
الاهتمامات : التصميم و البرمجة و اللغات .
الوظيفة : المندوب المقيم امام الكمبيوتر
الأوسمة :


معاينة صفحة البيانات الشخصي للعضو http://nf-son.forumotion.com

الرجوع الى أعلى الصفحة اذهب الى الأسفل

رد: تعرف ايه عن لينكس (Linux) ..

مُساهمة من طرف keko_ferkeko في الخميس سبتمبر 15, 2011 10:35 pm

أنا كنت أقصد أشهر ثلاث أنظمة ضمن توزيعات لينكس ، و التي يدور حولها الموضوع أصلاً,,
شكراً على اهتمامك..

________________________________________
.::الَّلهُمَّـ اجعَلْـ عَمَلَنَا خَالِصًا لِوَجهَكَـ الكَرِيمِـ::.


keko_ferkeko
عضو محترف
عضو محترف

البلد :
السن : 24
تاريخ التسجيل : 16/08/2007
المشاركات : 3254
الاهتمامات : القراءة-التصميم-بناء المواقع-النت
الوظيفة : طالب جامعي
الأوسمة :


معاينة صفحة البيانات الشخصي للعضو http://nf-son.forumotion.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى