ضع إعلانك هنا

إكرامي الأب: شريف ابن الأهلي البار

استعرض الموضوع السابق استعرض الموضوع التالي اذهب الى الأسفل

هل توافق على رجوع اكرامى من اوروبا

100% 100% 
[ 1 ]
0% 0% 
[ 0 ]
 
مجموع عدد الأصوات : 1

إكرامي الأب: شريف ابن الأهلي البار

مُساهمة من طرف mody في الثلاثاء مارس 11, 2008 9:14 pm

فى حديث حصري مع الكابتن إكرامي أحد أفضل حراس المرمى في تاريخ الكرة المصرية، و والد شريف إكرامي حارس مرمى الأهلي السابق و فيينورد الهولندي الحالي، أعيدت الثقة و الطمأنينة لنا من أبناء الاهلي الحقيقين، أجاب المدرب القدير واسطورة مصر السابق على العديد من الاسئلة التي تشغل بال عشاق القلعة الحمراء.

كابتن اكرامي ... سمعنا فى حديث من الكابتن شريف أنه لا يمانع من العودة للأهلي فى أي وقت، هل توافقه الرأي؟
بالفعل، فشريف من أبناء النادي الأهلي و لو احتاجه الأهلي فى أي وقت فهو فرض عليه أن يلبي النداء ودي مش مستهلة تفكير .
ألا يعتبر ذللك نوع من أنواع التقليل من المستوي على أساس انه يلعب في ثالث أقوي نادي فى الدوري الهولندي؟
ومين قاللك انه أحسن من الأهلي ؟ الأهلي من افضل الاندية ولا يجوز تفضيل اي نادي عليه في المستوي .. و قد تكون منافسات الأهلي القارية فى بعض الأحيان اقوي من الدوري الهولندي.
هل تم التجديد لشريف مؤخراً مع ناديه الحالي ؟
عقده كان يمتد لثلاث سنوات مع إمكانية التجديد لعامين آخرين .. وقد قضي الثلاث سنوات الاولي بنجاح وتم التجديد لعامين اخرين وهوا فى طريقه إلي ان يصبح الحارس الاساسي.
وهل سيتقبل نادي فينورد الاستغناء عن شريف بسهولة إذا طلبه الأهلي ؟
والله شوف، على المستوي الشخصي مافيش غير رد واحد بقولهولك وهيقولهولك شريف .. احنا من غير النادي الاهلي ولا حاجة والنادي الأهلي هوا صاحب الفضل علينا بعد ربنا سبحانه وتعالي، وهوا الي عملنا ومن غيره كنا ولا حاجة .. فعلى الأقل علشان نرد الجميل ده لو طلب مننا اي حاجة لازم نوفيهاله وده اقل واجب علينا .. لكن على المستوي الاحترافي الأهلي منظومة رائعة وعلاقتها بالأندية متميزة والتفاوض بين الأندية هوا الي بيخلص المواضيع دي، لكن لو علينا احنا العملية مش محتاجة أسئلة .
و ماذا عن المقابل المادي .. الاحتراف الاوروبي غير الاحتراف المصري ..
شريف على قدر كبير من المسؤلية والتضحية ولو جت عليه هوا هنلاعبه ببلاش .. هوا معندوش مشكلة فى الحتة دي.
وهل من الممكن ان يتقبل فكرة الجلوس على الدكة باعتبار ان امير هوا الحارس الاول حالياً ؟
معلش انا بختلف معاك فى نقطة ... الحارس الاول هوا الأحسن فى الملعب، و الملعب هوا دايماً الفيصل فى الحاجات دي، و مادام أمير هوا الي فى الملعب يبقى هوا الأحسن من وجهة نظر مدربيه .. شريف على عقلية كبيرة من الاحتراف، الملعب للتدريب و قرار اللعب للجهاز الفني ... و امير حارس رائع قاتل ليجد مكان وعلى شريف المقاتلة .. والمنافسة دائما فى مصلحة الفريق.
واذا لم يطلب الاهلي التعاقد معه ..؟
عادي جدا ستسير الامور على طبيعتها فهوا مستقر فى ناديه والاجتهاد فى ناديه سيصبح الحارس الاول ومن ثم الانتقال الى نادي اكبر يرضي طموحه .... ادعوا له بالتوفيق فى الغربة.
بعيدا عن قضية شريف ... هل الأهلي فى ورطة ..... !!؟؟
مين قال الاهلي في ورطة .. ممكن ارد عليك بسؤال .. ماذا حصل للاهلي عندما اعتزلت؟ .. وماذا حدث عند اعتزال المرحوم ثابت ومن بعده شوبير ؟؟ يا جماعة اعتبروا الحضري اعتزل ... امير حارس رائع جداً ينقصه المشاركة المستمرة وسيثبت نفسه وللمرة المليون النادي الاهلي منظومة لا تقف على شخص والدنيا مش هتتهد .. والايام ستثبت ذللك ... الحضري صنع لنفسه اسم و دي فرصة امير ليصنع تاريخه وانا اثق فيه.
شكرا للك كابتن اكرامي على تواضعك الشديد ولسعة صدرك ... وطمنتنا ان الاهلي بخير ....
الاهلي طول عمره بخير ... و لو لاقدر الله حصله حاجة خيره الي مغرقنا نرجعهوله .. و ألف شكر ليكوا وعلى قربكم الدائم مني.

mody
عضو جديد
عضو جديد

البلد :
تاريخ التسجيل : 09/02/2008
المشاركات : 25
الوظيفة : تلميذ
الأوسمة : ابن النيل و الفرات

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى